མཁའ་འགྲོ་མ་ཀུན་བཟང་དབང་མོས་གསུངས། ལས་སྨོན་རྟེན་འབྲེལ།

རྫ་རྒྱལ་སྒྲ་མཛོད་འཕྲིན་སྟེགས།扎嘉音仓平台

རིག་འཛིན་འཇིགས་མེད་གླིང་པའི་མཛད། 

མགུར་གསུངས་མཁན།

རྗེ་བཙུན་འགྲོ་འདུལ་ཆོས་དབྱིངས་འམ་མཁའ་འགྲོ་མ་ཀུན་བཟང་དབང་མོ།

ལས་སྨོན་རྟེན་འབྲེལ་དཔག་བསམ་ལྗོན་ཤིང་གི་སྟེང་དུ། །

རྒྱ་གར་ཤར་གྱི་རྨ་བྱ་གཞོན་ནུ་ཡང་ཕེབས་བྱུང་། །

རྨ་བྱའི་གདུགས་སྐོར་དམ་པའི་ཆོས་ཕྱོགས་ལ་བསྒྱུར་དང་། །

གཞོན་པ་ང་ཚོས་ཐར་པའི་ལམ་སྣ་ཞིག་ཟིན་ཡོང་། །

བསོད་ནམས་དཔྱིད་ཀྱི་རྒྱལ་མོའི་ཤིང་རྟ་ལ་ཕེབས་པའི། །

ལྷོ་མོན་ཤིང་ལོའི་ཚལ་གྱི་ཁུ་བྱུག་གི་གསུང་སྙན། །

ཡ་གི་དྲི་ཟའི་བུ་མོའི་གླིང་བུ་ལས་སྙན་པ། །

དབྱར་གསུམ་ནམ་ཟླ་བསྲོ་བའི་རྟེན་འབྲེལ་ལ་ཡག་བྱུང་། །

འདིར་འདུས་ལས་སྨོན་མཐུན་པའི་རྡོ་རྗེ་ཡི་སྤུན་གྲོགས། །

ང་ཚོའི་བླ་མ་བཞུགས་པའི་ཆོས་ར་ལ་ཕེབས་དང་། །

སྨིན་གྲོལ་བདུད་རྩི་འཐུང་བའི་དགའ་སྟོན་གྱི་ངང་ནས། །

ཉམས་དགའ་གླུ་རུ་ལེན་པའི་ཁྱད་ཆོས་ཞིག་ཡོད་དོ། །

 བདེ་ཆེན་འཕོ་འགྱུར་མེད་པའི་བཞུགས་གྲལ་གྱི་དབུས་ནས། །

ལྷ་དང་བླ་མའི་ཞལ་རས་མ་བསྒོམ་ཀྱང་མཐོང་བྱུང་། །

མ་དང་མཁའ་འགྲོའི་སྙིང་ཐིག་འོད་གསལ་གྱི་ཐེག་པས། །

འཇའ་ལུས་ཆོས་སྐུར་འགྲུབ་པའི་དངོས་གྲུབ་ཅིག་ཞུའོ།། །།

༼དབྱར་གསུམ་ནམ་ཟླ་སྤྲོ་བ་མིན། དབྱར་གསུམ་ནམ་ཟླ་བསྲོ་བ། ཞེས་འབྱུང་། དྲོ་བ་ཞེས་པའི་དོན་ཏོ།

།རིག་འཛིན་འཇིགས་མེད་གླིང་བའི་གསུང་འབུམ་ལས། 

ཨ་དུམ་པ། རྣམ་ཐར་ཡོངས་འདུའི་སྙེ་མ་ལྡེབ་བརྒྱ་སོ་དགུའི་སྟེང་བཞུགས།

དཀོན་མཆོག་རྗེས་སུ་དྲན་པའི་མདོ།

བུ་ཕྲུག་ཚོས་ཕ་མ་ལ་དྲིན་ལོག་མ་བྱེད་རོགས།

རྫ་རྒྱལ་སྒྲ་མཛོད་འཕྲིན་སྟེགས་སུ་ཕེབས་པར་དགའ་བསུ་ཞུ།